მე-10 მოწვევის პარლამენტში სადაც მხოლოდ ქართული ოცნებაა შეკრებილი, სიტყვით გამოსვლისას საქართველოს პრეზიდენტმა განაცხადა, რომ პარლამენტში შესვლაზე უარის თქმა "გაყალბების რეალური მტკიცებულებების გარეშე" დემოკრატიის უარყოფაა.

"დემოკრატიის და არჩევნების არსის სრული უარყოფაა, როცა გამარჯვების ვერმიღწევის გამო და გაყალბების რეალური მტკიცებულების გარეშე, ითხოვ ახალ არჩევნებს და უარს ამბობ ამომრჩევლის ნდობით მოპოვებულ მანდატზე და მრავალპარტიულ პარლამენტზე!", — განაცხადა პრეზიდენტმა სიტყვით გამოსვლისას.

დღეს, 11 დეკემბერს პარლამენტში მე-10 მოწვევის სხდომა მიმდინარეობს, რომელშიც მხოლოდ ქართული ოცნება იღებს მონაწილეობას. სხდომაზე ასევე არიან მიწვეული პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრება.

პარალელურად, მოსწავლე ახალგაზრდობის სასახლის ეზოში ოპოზიციის ნაწილი მანდატებზე უარს ამბობს და ხელს აწერს საერთო მემორანდუმს ბოიკოტის შესახებ. ოპოზციია 31 ოქტომბრის არჩევნებს გაყალბებულად მიიჩნევს და მის შედეგებს არ აღიარებს.