კაფსულის ყავის მწარმოებელ ქართულ კომპანია მეამას, ახალი ვებგვერდი აქვს, სადაც განსხვავებული დიზაინით და საინტერესო შინაარსით არის გადმოცემული ინფორმაცია, ბრენდის და მისი პროდუქციის შესახებ.

კომპანიის გადაწყვეტილებით, მეამას ორი ერთმანეთისგან განსხვავებული, სხვადასხვა დანიშნულების და კონცეფციის ვებ გვერდი აქვს: ბრენდ საიტი და ელექტრონული კომერციის პლატფორმა. ბრენდ საიტზე ვიზიტორი ეცნობა ზოგადად ბრენდს, სხვადასხვა სახეობის ევროპული და ამერიკული ფორმატის ყავის კაფსულებს, მეამაში შექმნილ ინოვაციებს, საწარმოო და საოფისე სივრცეებს, ხოლო ელექტრონული კომერციის პლატფორმაზე მომხმარებელი მარტივად და სწრაფად ყიდულობს მისთვის საყვარელი ყავის კაფსულებს, ყავის აპარატებსა და აქსესუარებს.

meama.ge-ს საწყის გვერდზე გამოსახულია ანიმაცია, რომელიც საინტერესოდ ასახავს ყავის მოგზაურობას, გზას, რომელსაც მწვანე მარცვალი გადის ფინჯანში მოხვედრამდე. საიტზე ეს ყველაფერი პირიქით არის გამოსახული და ვიზიტორი თავდაპირველად ყავის აპარატიდან ჩამოსხმულ არომატულ სასმელს ხედავს, ზევით ასქროლვით კი ეცნობა ევროპული და ამერიკული ფორმატის ყავის კაფსულებს, მათი მიღების ერთ-ერთ არხს ––მეამას ინოვაციურ დროფერს, შემდეგ გამოსახულია მოხალული და დაფქული ყავის მოთავსება ჰერმეტულად დაცულ კაფსულაში, ბოლოს კი არომატული სასმელის საწყისი — მწვანე მარცვალი.

აქვეა ინტერაქციული რუკაც, სადაც კონკრეტული კაფსულის მითითებით, ეკრანზე ამ კაფსულაში მოთავსებული ყავის წარმოშობის ქვეყანა გამოდის. ეს ვირტუალური გადაწყვეტა, ძალიან ეფექტური, განსხვავებული და შთამბეჭდავია. ბრენდ საიტიდან ვიზიტორი ადვილად მოხვდება ონლაინ მაღაზიის პლათფორმაზე. მეამას ახალი ვებ-გვერდი ერთგვარი საინტერესო ტურია ყავის სამყაროში, სადაც ბრენდის და მის პროდუქციას შესახებ, სრული ინფორმაცია ერთ სივრცეშია გაერთიანებული. საიტის კრეატიული კონცეფცია — Back to future და მისი საინტერესო დიზაინი Holy Motors-ს ეკუთვნის, ხოლო ვებ გვერდის სრულყოფასა და მის საბოლოო სახეზე მეამას გუნდმა იზრუნა.