Instagram-ის ანგარიში @thegirlabroad თავის გამომწერებს ახალი აღმოსავლეთის ფართოდ გავრცელებული ბრუტალისტური არქიტექტურის არაგლამურულ, "შინაურის" პერსპექტივას წარუდგენს.

უძრაობა

დედაჩემის მშობლიურ ქალაქში

ეს ანგარიში ბუქარესტელი ფოტოგრაფის, დიანა ანგელის, კვლევითი პლატფორმაა. ის ამბობს, რომ ბრუტალიზმით მაშინ დაინტერესდა, როდესაც ლონდონში მოდის კომუნიკაციების ბაკალავრიატზე სწავლობდა, სადაც ახალგაზრდა მოდის დიზაინერების ნამუშევრებს გადაეყარა. ისინი თავიანთ ფოტოებში ბრუტალისტურ და მოდერნისტულ სტრუქტურებს იყენებდნენ.

"ამან ჩემი ყურადღება მიიპყრო, რადგან რუმინეთიდან ვარ, სადაც ბრუტალიზმი და სოციალისტური არქიტექტურა, როგორც წესი, ეს მოსაწყენად მიიჩნევა და ყველას ყოველდღიურობის ნაწილია. ამგვარად ნელ-ნელა დავინტერესდი იმით, თუ რა გავლენა აქვს ამ ბრუტალისტურ არქიტექტურას ჩვენს გონებაზე და როგორი მნიშვნელობა აქვს მას ვიზუალურ მემკვიდრეობაზე", — უთხრა მან The Calvert Journal-ს.

სახლები ხედით

არც კი მახსოვს ამ ქალაქის სახელი

ჩემი საყვარელი ადგილი სანქტ-პეტერბურგში

სოციალისტურ მოდერნისტულ არქიტექტურაზე კონცენტრირებული Instagram-ის სხვა ანგარიშებისგან განსხვავებით, @thegirlabroad ასახავს სოციალისტური ეპოქის საჯარო შენობების ინტერიერსაც და ექსტერიერსაც, ასევე ხელით ნაკეთებ დეკორაციებსა და მრავალსართულიანი შენობების კორიდორებისთვის დამახასიათებელ სიძველეს.

ბავშვობისდროინდელი გასართობი სივრცე, სადაც წვიმის დროს ვთამაშობდით

კორიდორები

დილა

"პირადად ჩემთვის Instagram ის პლატფორმაა, სადაც იმ პროექტების კვლევითი ფოტოების დადება შემიძლია, რომლებზეც ამჟამად ვმუშაობ. აქ სხვადასხვა ფაზები გავიარე: ის თავიდან ყოველდღიურ მოტივაციას მძენდა და ფოტოგრაფიისადმი დაინტერესებას მუდმივად აქტიურს ხდიდა, ახლა კი, როცა უფრო მოსვენებული ვარ, ნაკლებად ხშირად ვპოსტავ", — თქვა ანგელმა.

სახლი, ექსპონატი I

ზამთრის ღია ბარათი საბჭოთა არქიტექტურით III (და ბოლო)

"რაც უფრო ხშირად მივდივარ ზღვისპირას ზამთარში, მით მეტად ვიაზრებ, რომ იშვიათად მიგრძვნია ასეთი იდუმალება, როგორიც აქაა. მთლიანად ეს ადგილი, უბრალოდ, ძალიან ლამაზია. გარშემო ხალხი საერთოდ არ არის. ეს ცარიელი სასტუმროები. ცარიელი პლაჟები და მარადიულობის განცდა. გარშემო რომ მიუსაფარი ძაღლებიც არ იყვნენ, ეს ადგილი იდეალური იქნებოდა".

სახლის თანამედროვე, გამორჩეული დიზაინით მოწყობაში ამიერკავკასიაში ყველაზე დიდი სამშენებლო და სარემონტო მასალების ჰიპერმარკეტი მიჰაუსი დაგეხმარებათ. 12 000 კვ. მეტრზე გაშლილ სივრცეში თქვენ შეხვდებით 60 000-მდე დასახელების პროდუქციას მსოფლიოს მრავალი ქვეყნიდან.

პროდუქციის ვირტუალურ ინტერიერში აღქმის შესაძლებლობით, ონლაინ მაღაზიით, სწრაფი მიტანის სერვისით, ლოიალურობის პროგრამებითა და სხვა უპირატესობებით მიჰაუსი თქვენი სახლის თუ სამუშაო სივრცის სიმყუდროვესა და კომფორტს უზრუნველყოფს.