ფიტნესცენტრმა, Reformerfitness-მა აკრძალვების მიუხედავად ფუნქციონირება გააგრძელა, რის გამოც დააჯარიმეს. ფიტნესცენტრში აცხადებენ, რომ ჯარიმის მიუხედავად ხვალ მუშაობას ისევ გააგრძელებენ.

ადგილზე მისულ სამართალდამცავებსა და შრომის ინსპექციის წარმომადგენლებს, ფიტნეს ცენტრში უხსნიდნენ, რომ იცავენ უსაფრთხოების წესებს, შესაბამისად, არ ესმით აკრძალვის შინაარსი. შრომის ინსპექციის წევრები კი ამბობდნენ, რომ ადგილზე არ არის დაცული ორმეტრიანი დისტანცია.

უწყებათაშორისი საკოორდინაციო საბჭოს გადაწყვეტილებით, 28 ნოემბრიდან 31 იანვრის ჩათვლით, ფიტნესი და საცურაო აუზები დაიხურა. გარდა ამისა, საბჭომ არაერთი შეზღუდვა დააწესა, რომელიც მუნიციპალურ და საქალაქთაშორისო ტრანსპორტს, გადაადგილებას, ბაზრობებსა და ბაღებს ეხება. შეზღუდვები რამდენიმე ეტაპადაა დაწესებული და გათვალისწინებულია ე.წ. შემსუბუქების პერიოდი.