აშშ-მ დღეიდან ახალ რეალობაში გაიღვიძა, ობამების ოჯახი თეთრ სახლში ტრამპებმა შეცვალეს.

ინაუგურაციის დღე საკმაოდ დატვირთული იყო, განრიგში მითითებული იყო ტრამპის საუზმე ოჯახთან, შემდეგ კი ლოცვა. აღნიშნულის შემდეგ დონალდ ტრამპი და ბარაკ ობამა ერთმანეთს თეთრ სახლში შეხვდნენ და პენსილვანიის ავენიუს გავლით ერთად გაემართნენ კაპიტოლიუმისკენ, სადაც ინაუგურაცია გაიმართა.

მას შემდეგ, რაც ტრამპი თეთრ სახლში ოფიციალურად შევიდა, შედგა ორი საზეიმო მიღება. საზეიმო მიღებაზე, ერთ-ერთი მნიშვნელოვანი ნაწილი ახალი პრეზიდენტისა და პირველი ლედის პირველი საზეიმო ცეკვაა, რომელიც, რა თქმა უნდა, ტრამპების ოჯახმაც შეასრულა.

პირველ ვალსს მალევე შეუერთდნენ ვიცე პრეზიდენტი მაიკ პენსი და მისი მეუღლე კარენი.

ფოტო: JIM WATSON/AFP/Getty Images

ცეკვა წყვილმა ფრენკ სინატრას ცნობილი სიმღერის My Way-ს ქოვერზე შეასრულეს.