დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

სპეციალური პენიტენციური სამსახურის ცნობით, საკარანტინო სივრცეში სამოქალაქო კლინიკიდან დაბრუნებულ 5 მსჯავრდებულს კორონავირუსი დაუდასტურდა. აღნიშნული პირები პენიტენციური დაწესებულებებიდან სამოქალაქო კლინიკაში სტაციონარული მომსახურების მიღების მიზნით იყვნენ გადაყვანილები. დაწესებულების ინფორმაციით, ინფიცირებულების ჯანმრთელობის მდგომარეობა სტაბილურია.

"სამოქალაქო სექტორის კლინიკაში მათზე კონტროლი განხორციელდება ელექტრონული სამაჯურის მეშვეობით, რათა არ იყოს ამ პატიმრებთან ესკორტის ოფიცრების ყოფნის საჭიროება. რაც შეეხება ინფიცირებულებთან კონტაქტში მყოფ დაწესებულების თანამშრომლებს, ისინი ინდივიდუალური დამცავი საშუალებებით (პირბადე, ფარი, ხელთათმანები და ა.შ.) აღჭურვილები არიან", — აცხადებენ პენიტენციურში.

მათივე თქმით, 23 ოქტომბრიდან ამოქმედებული ახალისამედიცინო პროტოკოლის თანახმად, თანამშრომლები PCR ტესტირებას დამატებით კვირაში ერთხელ გადიან, ყოველ 72 საათში ერთხელ კი სწრაფი ტესტით მოწმდებიან. საკნებს, სადაც ინფიცირებული პირები იმყოფებოდნენ, არაგეგმიური დეზინფექცია ჩაუტარდა.

25 ნოემბრის მონაცემებით, საქართველოში კორონავირუსის 3 071 ახალი შემთხვევა დადასტურდა, გამოჯანმრთელდა — 3 366 ადამიანი, გარდაიცვალა — 34.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 114 889-ს. ჯამში გამოჯანმრთელებულთა რაოდენობა გაიზარდა 95 581-მდე. 2020 წლის 26 თებერვლიდან დღემდე სულ გვაქვს 1 085 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: