ზაზა ფაჩულია All Star-ში ვერ ითამაშებს. ის ფანების ხმის მიცემის შედეგებით, მეორე ადგილზეა 1 528 941 ხმით და პირველ ადგილზე გასულ დურანტს დაახლოებით 240 ათასი ხმით ჩამორჩება.

ყველა ვარსკვლავის თამაშისთვის წელს მოთამაშეებს, ფანების გარდა, არჩევდნენ ჟურნალისტები და თავად კალათბურთელები. კალათბურთელების ხმის მიცემის შედეგად ფაჩულია მე-12 ადგილზე გავიდა, ხოლო ჟურნალისტების რჩეულებს შორის მან მე-10 ადგილი დაიკავა. ყველა ვარსკვლავის თამაში წელს ძველი წესებით რომ გამართულიყო და გადამწყვეტი ყოფილიყო ფანების ხმა, ის მონაწილეობას შეძლებდა.

ყველა ვარსკვლავის თამაში 19 თებერვალს, ნიუ ორლეანსში გაიმართება.