რამდენიმე დღის წინ კონგრესის მოსმენა გაიმართა, სადაც ფეისბუქისა და ტვიტერის დამფუძნებლებმა (შესაბამისად, მარკ ცუკერბერგმა და ჯეკ დორსიმ) აშშ-ის არჩევნების დასაცავად საკუთარ პლატფორმებზე გატარებულ ზომებზე ისაუბრეს. ეს არც პირველი შემთხვევა იყო, როცა კონგრესმა ტექ-გიგანტებს პრეტენზიები წაუყენა და არც ბოლო, თუმცა, ჩვეულებრივი ინტერნეტ-მომხმარებლებისთვის ეს მოსმენა განსაკუთრებით საინტერესო აღმოჩნდა.

მოსმენა ონლაინ რეჟიმში ჩატარდა და პირდაპირ ეთერში გადაიცემოდა. მაყურებლებმა მაშინვე დააფიქსირეს, რამდენად განსხვავდებოდა ერთმანეთისგან დორსისა და ცუკერბერგის გარეგნობა. თუკი დორსიმ პანდემიაში წვერი იმდენად მოუშვა, რომ საბავშვო ფილმში ბოროტმოქმედის როლს თავისუფლად შეასრულებდა, მარკ ცუკერბერგი კიდევ უფრო თავშეკავებულად გამოიყურებოდა, ვიდრე აქამდე.

Twitter-ის მომხმარებლები ამ კონტრასტმა ძალიან გააბედნიერა და მათ სხვადასხვა ვერსიები მოიფიქრებს, თუ ვინ იქნებოდნენ ეს ადამიანები, დიდი ძალაუფლების მქონე წარმოუდგენლად მდიდარი CEO-ები არ ყოფილიყვნენ. აი, თავად იხილეთ:

1. "სენატის მოსმენა უკაცრიელ კუნძულზე დატოვებული შუქურის ზედამხედველისა და მის მიერ მარტოობის დასაძლევად აგებული მსახური რობოტის ამბავს ჰგავს"

2. "როცა შენი შვილის წვეულებისთვის Zoom-ში ილუზიონისტებთან გაქვს გასაუბრება"

3. "ეს იმ ხელოვნების ნიმუშების ესპანურ განახლებებს ჰგავს"

4. "რატომ ჰგავს პოლიციელებზე ფილმის დასაწყისს, სადაც კუნძულზე გარიყული კაცი ცვილის ფიგურასთან ერთად იძიებს დანაშაულს?"

5. "ჯეკ დორსი გრიგორი რასპუტინს ჰგავს, რომელსაც ცუკერბერგის ჰემოფილიის განკურნება დაავალეს"

6. ჯეკ დორსი და მარკ ცუკერბერგი ისე გამოიყურებიან, თითქოს ორ რადიკალურად განსხვავებულ კულტში გვეპატიჟებიან და არჩევანი ახლავე უნდა გავაკეთოთ

7. "მარკ ცუკერბერგი Pixar-ის იმ ფილმის გმირ ფანქარს ჰგავს, რომელმაც ერთი დღით ადამიანს გაუცვალა ადგილი"

8. "ზაკ სნაიდერის Steppenwolf და ჯოს ვიდონის Steppenwolf"

9. "ნიკოლოზ II-ისა და რასპუტინის ურთიერთობის ეს თანამედროვე ხელახალი მონათხრობი საოცრად გამოიყურება"

10. "ჰიპსტერმა მეცნიერმა ფესტივალებისგან პაუზა აიღო და თავისი შექმნილი უემოციო დროიდი წარმოადგინა"

11. "როცა ჰოგვორტსში მშობლების კრებაა ზუმში"

12. "ჯადოქარი ცდილობს ჰობიტის დარწმუნებას, რომ მან დრაკონს განძი უნდა მოპაროს"

13. "ორი ტიპის პროფესორი: (1) მშვენიერი სულის მქონე პოეტი-ფილოსოფოსი (2) ზომბივით ფუნქციონირებადი კორპორაციული მოხელე. რომელი ხარ შენ?"