Deutsche Welle-ს ცნობით, გერმანიის პარლამენტმა კანაფის სამედიცინო მოხმარების ლეგალიზაციას მხარი დაუჭირა. აღნიშნული საკითხი ქვეყანაში გრძელვადიანი განხილვის შემდეგ გადაწყდა.

პარლამენტის წევრებმა კანონპროექტს ანონიმურად მისცეს ხმა. პროექტის მიხედვით, პაციენტებს უნდა შეეძლოთ ექიმის რეცეპტით კანაფის ადგილობრივ აფთიაქებში შეძენა.

ექიმების მოსაზრებით, მარიხუანას შეუძლია კიბოს მკურნალობაშიც შეიტანოს წვლილი, მაგალითად, მათ ვისაც ქიმიოთერაპიის შემდეგ გულისრევის შეგრძნებები აწუხებთ. იგი ასევე აუმჯობესებს მადას და წონის კლებას, კანაფი ასევე სასარგებლოა გაფანტული სკლეროზის დროსაც.

კანაფის სამედიცინო მიზნით, რეცეპტით შეძენა, უკვე დაშვებულია საფრანგეთში, კანადასა და ამერიკის ზოგიერთ შტატში. გერმანიაში, იმ პაციენტებისთვის, რომლებსაც მკურნალობის სხვა გზა არ ექნებათ, კანაფის შეძენის თანხას სამედიცინო დაზღვევა აანაზღაურებს.