ამერიკის სახელმწიფო დეპარტამენტში მაიკ პომპეოს საქართველოში ვიზიტის შესაჯამებლად გამართულ პრესკონფერენციაზე ისაუბრეს საქართველოში დამოუკიდებელი სასამართლო სისტემის არარსებობის გამო არჩევნების შედეგად შექმნილი პრობლემების მოგვარების სირთულეზე.

"რომ არსებობდეს მართლაც დამოუკიდებელი სასამართლო სისტემა, ის საარჩევნო პრეტენზიები, რომლებიც გამოიკვეთა, შეიძლება გადაწყვეტილიყო სასამართლოში და ხალხს ნდობა ექნებოდა შედეგის მიმართ. ამჟამად, ახლა ეს საჩივრები გადის ცენტრალურ საარჩევნო კომისიაში და შემდეგ შეიძლება მათი სასამართლომდე მიყვანა. მაგრამ იმის გამო, რომ ოპოზიციონერთა ნაწილი არ ენდობა სასამართლო გადაწყვეტილებას, არც ცესკოს და არც სასამართლოს, ისინი ჩიხში არიან", — ნათქვამია განცხადებაში.

საპარლამენტო არჩევნები საქართველოში 31 ოქტომბერს ჩატარდა. ოპოზიცია შედეგებს არ აღიარებს და ბოიკოტის რეჟიმშია — ისინი პარლამენტში არ შედიან. გუშინ საქართველოს ამერიკის სახელმწიფო მდივანი, მაიკ პომპეო ეწვია, მან ხელისუფლების წარმომადგენლებთან, სამოქალაქო სექტორთან და პატრიარქთან შეხვედრები გამართა. პარალელურად მიმდინარეობდა ოპოზიციის მდუმარე აქციაც.