ბაჰრეინის სამეფოს სახელმწიფო ავიაკომპანია, Gulf Air ბაჰრეინისა და თბილისის საერთაშორისო აეროპორტებს შორის ფრენას 2017 წლის ივნისიდან იწყებს. რეისები კვირაში სამჯერ შესრულდება.

ავიაკომპანიის აღმასრულებელი დირექტორის განცხადებით, მათ სურთ გააძლიერონ ბიზნეს და ტურისტული კავშირები რეგიონში, ახალი მიმართულების დამატება კი ბაზარზე არსებული მოთხოვნის შედეგად გადაწყდა.

Gulf Air 1950 წელს დაფუძნებული ავიაკომპანიაა და ის რეგულარულ რეისებს ასრულებს ევროპის, აზიისა და აფრიკის 40-ზე მეტი მიმართულებით. რაც შეეხება ბაჰრეინის სამეფოს, ის სპარსეთის ყურის ერთ-ერთი ყველაზე მნიშვნელოვანი ეკონომიკური ცენტრია.