დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსის დღეს გამოვლენილი 3 117 შემთხვევიდან, უმრავლესობა, 1 202 თბილისშია. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

მისი ინფორმაციით, რეგიონებში გადანაწილება ასეთია:

  • თბილისი — 1 202;
  • აჭარა — 469;
  • იმერეთი — 302;
  • სამეგრელო-ზემო სვანეთი — 355;
  • ქვემო ქართლი — 259;
  • შიდა ქართლი — 173;
  • მცხეთა-მთიანეთი — 86;
  • გურია — 61;
  • კახეთი — 117;
  • სამცხე-ჯავახეთი — 65;
  • რაჭა-ლეჩხუმი და ქვემო სვანეთი — 28.

საქართველოში ბოლო 24 საათის განმავლობაში გამოვლენილია ინფიცირების 3 117 ახალი შემთხვევა. ამასთან, 3 638 პირი გამოჯანმრთელდა, ხოლო 45 ადამიანი გარდაიცვალა. ამ ეტაპზე აქტიური ინფიცირებული შემთხვევა არის 16 219. 5 662 ადამიანი მკურნალობს საავადმყოფოში, მათ შორის, თბილისის საავადმყოფოებში — 2 630, აჭარაში — 911, იმერეთში — 1 142.

"მძიმე პაციენტი გვყავს 740, მათ შორის, თბილისში — 378, აჭარაში — 137, იმერეთში — 115. აქედან, ხელოვნური სუნთქვის აპარატზე არის 332 პირი, მათ შორის, თბილისში — 132, აჭარაში — 117, იმერეთში — 24. 3 351 ადამიანი არის კოვიდ-სასტუმროში, მათ შორის, 1 607 — აჭარაში, 1 239 — თბილისში, ხოლო 222 — იმერეთში. 7 206 პირი მკურნალობს ბინაზე", — განაცხადა სიჭინავამ.

კარანტინის რეჟიმში 2 797 პირი იმყოფება, სტაციონარში მეთვალყურეობის ქვეშ — 5 662.

2020 წლის 26 თებერვლიდან დღემდე სულ გვაქვს ინფიცირების 85 952 შემთხვევა, გამოჯანმრთელების — 68 929, გარდაცვალების — 778.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: