მოქალაქეების ლიდერი, ალეკო ელისაშვილი ქართული ოცნებისგან გონივრულ და კონკრეტულ წინადადებას ელოდება. ამის შესახებ მან აშშ-ს ელჩის რეზიდენციაში შეხვედრის დაწყების წინ განაცხადა.

"მაგას ველოდები, რომ ქართულმა ოცნებამ ისეთი გონივრული კომპრომისი შემოგვთავაზოს, რომ პროტესტიც აღარ გაგრძელდეს და ქვეყანაც დამშვიდდეს", — აღნიშნა ელისაშვილმა.

დღეს, 14 ნოემბერს ოპოზიციასა და მმართველ გუნდს შორის მოლაპარაკებების მეორე რაუნდი იმართება. შეხვედრა კვლავ აშშ-ს ელჩის, კელი დეგნანის რეზიდენციაში მიმდინარეობს და მას ევროკავშირის ელჩი, კარლ ჰარცელიც ესწრება. პირველი შეხვედრის მსგავსად, ახლაც მოლაპარაკებებში ბარიერგადალახული ოპოზიციური პარტიის ლიდერები და ქართული ოცნება ჩაერთვებიან.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს. ხელახალი არჩევნების მოთხოვნით, ოპოზიციის წარმომადგენლები საპროტესტო აქციებს მართავენ. მომდევნო აქცია რუსთაველის გამზირზე14 ნოემბერსაა დაგეგმილი.

ამავე თემაზე: