პარლამენტის თავმჯდომარის, არჩილ თალაკვაძის განცხადებით, აშშ-ს სახელმწიფო მდივნის შეხვედრების განრიგი რაიმე მანიპულაციის საგანი გახდეს. მისივე თქმით, ეს თუ ვინმეს ეს არ მესმის, ის საერთაშორისო პოლიტიკაში ჩახედული არაა.

"ეს არის არასერიოზული განცხადება და ადამიანი, როცა ასეთ განცხადებას აკეთებს, ალბათ, ჩახედული არ არის არც ამერიკის პოლიტიკაში და არც საერთაშორისო პოლიტიკაში. შეუძლებელია, ამერიკის შეერთებული შტატების მდივნის დღის წესრიგი და მისი შეხვედრების განრიგი, რაიმე ტიპის მანიპულაციისა და გავლენის საგანი გახდეს. არ ვიცი, რატომ გააკეთა ეს განცხადება, მაგრამ არის არასერიოზული განცხადება", — განაცხადა თალაკვაძემ.

აშშ-ს სახელმწიფო მდივანი, მაიკ პომპეო თბილისში 17-18 ნოემბერს ჩამოვა. ის შეხვედრებს გამართავს ხელისუფლების წარმომადგენლებთან, თუმცა ოპოზიციასთან შეხვედრა დღის წესრიგში გაწერილი არაა.

ნაციონალური მოძრაობის წევრმა, გიორგი ბარამიძემ TV პირველის ეთერში განაცხადა, რომ პომპეოს მიმართ ხელისუფლების წარმომადგენლების მხრიდან შანტაჟს ჰქონდა ადგილი. როგორც იგი აცხადებს, მას აქვს ინფორმაცია, რომ ხელისუფლებამ უსაფრთხოების საკითხებიდან გამომდინარე უთხრა, რომ ოპოზიციასთან შეხვედრა გაჭირდებოდა.

ამავე თემაზე: