როგორც Fox News წერს, ჰოლივუდში დიდი მითქმა-მოთქმაა ატეხილი იმაზე, რომ მსახიობი ლინდსი ლოჰანი შესაძლოა მუსლიმი გახდა.

ლინდსიმ ცოტა ხნის წინ საკუთარი ინსტაგრამიდან ყველა ფოტო წაშალა და სანაცვლოდ ტრადიციული ისლამური მისალმება Alaikum salam დაწერა.

მისი ფეისბუქისა და ტვიტერის გვერდზე მსახიობს მუსლიმები მთელი მსოფლიოდან ულოცავენ ისლამის მიღებას - "ლინდსი, გვიხარია რომ ისლამი მიიღე, ეს საუკეთესო ამბავია. დიდება ალაჰს, ღმერთმა შეამსუბუქოს შენი გზა".

პირველად ლინდსის ისლამით დაინტერესებაზე პრესა მაშინ ალაპარაკდა, როცა მსახიობი ყურანით ხელში დააფიქსირეს.

ფოტო: SPLASH NEWS

"ჩემმა ძალიან ახლო მეგობრებმა მაჩუქეს ყურანი, რათა საკუთარი თავი ვიპოვო, ბევრ რამეში გავერკვიო და საბოლოოდ გავიგო, ვინ ვარ", - ამბობდა მაშინ ლინდსი.

აღსანიშნავია ისიც, რომ ლინდსი ბოლო სამი თვის განმავლობაში აქტიურად სტუმრობდა სირიასა და თურქეთს, რამაც ვარაუდი კიდევ უფრო სარწმუნო გახადა.

მიუხედავად იმისა, რომ პრესა ამ თემაზე აქტიურად საუბრობს, არც ლინდსის და არც მის ოფიციალურ წარმომადგენლებს ამ თემაზე კომენტარი ჯერ არ გაუკეთებიათ.