დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელძღვანელის, ამირან გამყრელიძის განცხადებით, დღეს წერტილოვანი შეზღუდვების კიდევ უფრო მეტი საჭიროებაა. გამყრელიძის თქმით, საკოორდინაციო საბჭომ წერტილოვანი შეზღუდვების შემოღებაზე დღეს კიდევ ერთხელ იმსჯელა. NCDC-ის ხელმძღვანელი ფიქრობს, რომ შესაბამისი გადაწყვეტილებებიც იქნება მიღებული.

რეგიონული განვითარებისა და ინფრასტრუქტურის მინისტრის, მაია ცქიტიშვილის ინფორმაციით, საკოორდინაციო საბჭო მსჯელობს იმაზე, თუ რა დამატებითი ღონისძიებები და წერტილოვანი შეზღუდვების დაწესებაა შესაძლებელი ვირუსის გავრცელების თავიდან ასაცილებლად. მისი თქმით, ეს შეიძლება უკავშირდებოდეს ღამის საათებში გადაადგილებას, ტრანსპორტს, დიდ სავაჭრო ცენტრებსა და ბაზრობებს.

გარდა ამისა, გუშინ, 5 ნოემბერს პრემიერმინისტრმა გახარიამ სრული მობილიზაციისკენ მოუწოდა ყველა სამინისტროსა და უწყებას და განაცხადა, რომ წერტილოვანი შეზღუდვების გააქტიურებაზე უნდა დაიწყონ ფიქრი.

6 ნოემბრის მონაცემებით, საქართველოში კორონავირუსის 2 775 ახალი შემთხვევა დადასტურდა, გამოჯანმრთელდა — 3 560 ადამიანი, გარდაიცვალა — 22.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: