დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ბოლო 24 საათის განმავლობაში კორონავირუსი 183 სამედიცინო პერსონალს დაუდასტურდა. ამის შესახებ საკოორდინაციო საბჭოს სხდომის შემდეგ დაავადებათა კონტროლის ცენტრის ხელმძღვანელმა, ამირან გამყრელიძემ ისაუბრა.

"რაც ცუდია იმ თვალსაზრისით, სამედიცინო პერსონალი, რომელიც ფრონტის წინა ხაზზეა, კრიტიკული ადამიანური რესურსია, რომელიც საჭიროა იმისთვის, რომ კოვიდიან ავადმყოფებს მოუაროს და გარკვეული პერიოდი ისინი ჩამოშორებული არიან საქმიანობას", — განაცხადა გამყრელიძემ.

მისივე თქმით, სწორედ ამის გამოა, რომ ქვეყნის მასშტაბით სტუდენტებისა და პენსიაზე გასული ექიმების მობილიზაცია ხდება.

6 ნოემბერს საქართველოში კორონავირუსის 2 775 ახალი შემთხვევა დადასტურდა.. გამოჯანმრთელდა — 3 560 ადამიანი. გარდა ამისა, გარდაიცვალა 22 ადამიანი.

დღეის მონაცემებით სულ ქვეყანაში კორონავირუსით ინფიცირებულთა რიცხვი 51 993-ია, ხოლო გამოჯანმრთელებულთა ჯამური რიცხვია 37 019, ხოლო გარდაცვლილთა — 423.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: