მიჩიგანის სასამართლომ პრეზიდენტ დონალდ ტრამპის საჩივარი, ხმების დათვლის შეჩერებასთან დაკავშირებით არ მიიღო.

დონალდ ტრამპი და მისი საარჩევნო შტაბი ამტკიცებენ, რომ ფოსტით გაგზავნილი ბიულეტენების "მასშტაბური ფალსიფიკაცია" მიმდინარეობს, თუმცა დამადასტურებელი მტკიცებულება არ წარმოუდგენიათ. შტაბის წარმომადგენლები აცხადებდნენ, რომ დათვლა უნდა შეჩერდეს მანამ, სანამ პროცესს უფრო მეტი მათი წარმომადგენელი არ დაესწრება.

მოსამართლე სინტია სტივენსის განმარტებით, შტაბმა საჩივარი დაგვიანებით შეიტანა — ხმის დათვლის პროცედურის დასრულებამდე სულ რამდენიმე საათით ადრე. გარდა ამისა, საჩივარი დაწერილი იყო არასწორი პირის, შტატის სახელმწიფო მდივნის მიმართ. მოსამართლის თქმით, ხმების დათვლას ის არ აკონტროლებს.

აშშ არჩევნებთან დაკავშირებულ სიახლეებს LIVE რეჟიმში გაეცანით აქ. ასევე, ადევნეთ თვალი On.ge-ს ინტერაქტიულ რუკას.