ქართული ოცნების გენერალური მდივნის, კახა კალაძის განცხადებით, პოლიტიკური სიმშვიდე ქვეყანაში ძალიან მნიშვნელოვანია. კალაძის თქმით, აქციები ეკონომიკურ განვითარებასა და სტაბილურობაზე გავლენას ახდენს.

მან ეს განცხადება ჟურნალისტის მიერ დასმული კითხვის საპასუხოდ გააკეთა. ერთ-ერთი მედიის წარმომადგენელმა მას ჰკითხა, იმოქმედება თუ არა ეკონომიკაზე ოპოზიციის მიმდინარე და დაანონსებული აქციები.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი რუსთაველის გამზირზე კვირას, 8 ნოემბერს.