დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ესმის, რომ ქვეყანაში პოლიტიკური პროცესები მიმდინარეობს, მაგრამ ადამიანის სიცოცხლისა და ჯანმრთელობის უფლება უპირველესია. ამიტომ გამყრელიძე ყველას მოუწოდებს, ამას ანგარიში გაუწიონ.

"თხოვნა და მოწოდება თითოეული ადამიანისადმი, ვინც დღეს ამ პოლიტიკურ პროცესებშია ჩართულია, ადამიანის უფლებებიდან უპირველესი არის სიცოხლისა და ჯანმრთელობის უფლება, ამიტომ ყველამ გავუწიოთ ამას ანგარიში", — განაცხადა გამყრელიძემ ეპიდსიტუაციის შესახებ უწყებათშორისი საკოორდინაციო საბჭოს წევრების ბრიფინგზე.

5 ნოემბრის მონაცემებით, საქართველოში კორონავირუსის მორიგი ანტირეკორდი 2 401 ახალი შემთხვევა დადასტურდა, გამოჯანმრთელდა 2 289 პირი, გარდაიცვალა 20.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი რუსთაველის გამზირზე კვირას, 8 ნოემბერს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: