ბათუმში, საარჩევნო ოლქის წინ აქცია მიმდინარეობს. პოლიციის ზეწოლის შედეგად ჩამსხვრეული მინის გამო არიან დაშავებულები. ამის შესახებ ქალაქ ბათუმის მუნიციპალიტეტის საკრებულოს ფრაქცია ერთიანი ნაციონალური მოძრაობის თავმჯდომარე მირდატ ქამადაძე ამბობს.

როგორც მირდატ ქამადაძემ On.ge-ის განუცხადა, პოლიციამ განახორციელა ზეწოლა და ამ დროს ერთ-ერთი სალონის მინა ჩაიმსხვრა რის გამოც დაშავდა სავარაუდოდ 5 ადამიანი.

ბათუმის საარჩევნო კომისიამ უნდა განიხილოს 31 ოქტომბრის არჩევნების პროცესზე დაწერილი საჩივრები. ხმების დათვლა მიმდინარეობს აქციის ფონზე. ადგილზე მობილიზებულები არიან სამართალდამცველები.