საქართველოს პარლამენტის თავმჯდომარის, არჩილ თალაკვაძის განცხადებით, არაერთი საჩივრის განხილვის შედეგად, ხმების რაოდენობა ქართულ ოცნებასაც მოემატა. ამიტომ, მისი თქმით, თუკი ასეთი ცალკეული ხარვეზები დაფიქსირდა, არავის აქვს უფლება თქვას, რომ ეს რომელიმე კონკრეტული პარტიის სასარგებლოდ იყო.

ოპოზიცია 31 ოქტომბრის არჩევნების შედეგებს არ აღიარებს. ოპოზიციურმა პარტიებმა საკანონმდებლო ორგანოში შესვლაზე უარი უკვე თქვეს და საპროტესტო აქციების გამართვა დაიწყეს.

ეუთოს დემოკრატიული ინსტიტუტებისა და ადამიანის უფლებების ოფისის (ოდირის) და ეუთოს, ევროპის საბჭოს და ნატოს საპარლამენტო ასამბლეათა საერთაშორისო დამკვირვებლების წინასწარი მიგნებებისა და დასკვნების შესახებ ერთობლივი მოხსენების თანახმად, არჩევნები კონკურენტულ გარემოში ჩატარდა და საერთო ჯამში, ფუნდამენტური თავისუფლებები დაცული იყო. თუმცა, მათვე თქმით, დაფიქსირდა დარღვევებიც.