ამერიკის საელჩო საქართველოში მოუწოდებს ყველა პარტიას, რომ 31 ოქტომბრის არჩევნებში გამოვლენილი ხარვეზები მოაგვარონ.

"მიუხედავად იმისა, რომ ამომრჩევლის მოსყიდვის მცდელობები; ხმების მოპოვების მცდელობები ამომრჩეველთა დაშინების გზით; ძალადობა ჟურნალისტებსა და დამკვირვებლებზე და სხვა დარღვევები არ არის საკმარისი, რომ არჩევნების შედეგები ბათილად ცნონ, მაინც აფერხებს საარჩევნო პროცესს, რაც მიუღებელია", — ნათქვამია საელჩოს განცხადებაში.

ასევე, განცხადებაში ნათქვამია, რომ საელჩო მხარს უჭერს პარტიებისა და ამომრჩევლების მიერ საჩივრების წარდგენასა და შესაბამისი სამართლებრივი პროცედურების დაწყებას. საელჩოს განცხადების თანახმად, აუცილებელია, რომ აღნიშნული საჩივრები შესაბამისმა ორგანოებმა სათანადოდ გამოიძიონ.