HBO-ს სერიალს The Leftovers უამრავი ერთგული თაყვანისმცემელი ჰყავს. მაყურებელი მოუთმელად ელის აპრილს, რადგან სწორედ ამ დროს იგეგმება მესამე სეზონის პრემიერა.

გადაღებები ავსტრალიაში მიმდინარეობს, რასაც საკუთარი ახსნა აქვს:

"გეოგრაფიულად ავსტრალია დედამიწის დასასრულია, ჩვენი შოუ კი მსოფლიოს ემოციურ დასასრულზეა, სწორედ ამიტომ ავარჩიეთ ავსტრალია. გარდა ამისა, გვინდოდა ეპიზოდებშიც ასახულიყო ავსტრალიის ანტიკურობა და მისი გამორჩეული სული", - ამბობს შოუს სცენარისტი დეიმონ ლინდელოფი.

სულ ცოტა ხნის წინ ინტერნეტში შოუს ფინალური სეზონის პირველი ფოტოები გავრცელდა:

ფოტო: BEN KING/HBO

სერიალში მოვლენები ადამიანების გაქრობიდან სამი წლის შემდეგ ვითარდება, დაკარგულებს გმირებად შერაცხავენ და ძეგლსაც დაუდგამენ. ადამიანების გაქრობას ყველა თავისებურად ხსნის. ადამიანურ ბუნებაზე დაკვირვების პარალელურად, მაყურებელი ცდილობს, მომხდარის რეალური ვერსია დაადგინოს და თავისებურად გაიაზროს კაცობრიობის მოსალოდნელი დასასრული.

ასე რომ, თუ ჯერ არ დაგიწყიათ სერიალის ყურება, გირჩევთ წაიკითხოთ ჩვენი სტატია, შემდეგ ჩაუჯდეთ და უყუროთ ისტორიას, რომელიც კიდევ ერთხელ დაგაფიქრებთ ცხოვრების აზრსა და ადამიანის მარტოსულობაზე.