მარნეულის სოფელ დამია გეორარხში მე-18 უბანზე შემაჯამებელი ოქმი დაკარგვის შემდეგ, საოლქო კომისიის თავმჯდომარემ, ანა ილურიძემ განაცხადა, რომ ხმებს ბათილად არ სცნობენ და მას მაინც დაითვლიან. ამასთან, შემაჯამებელ ოქმზე უბნის თავმჯდომარე ამბობს, რომ მოპარულია, თუმცა ილურიძის თქმით, იგი სავარაუდოდ დაკარგულია.

რაც შეეხება დათვლის პროცესის შეფერხებას, ილურიძის განმარტებით, ეს იმანაც გამოიწვია, რომ ისინი ჯერ კიდევ ელოდებოდნენ გარდაბნის 8 უბნის მონაცემებს. ამ ეტაპზე, კომისიის წევრები პოლიციაში არიან გადაყვანილები.

მარნეულის მე-18 უბანზე დათვლის პროცესი რამდენიმე საათის წინ, შემაჯამებელი ოქმის დაკარგვის გამო შეფერხდა.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: