ქართული ოცნების ერთ-ერთი ლიდერის, მამუკა მდინარაძეს თქმით, წარმოუდგენელი გოიმობაა, როცა დიდ პისტოლეტს გამოსაჩენ ადგილას დაიკიდებ და მერე ამ იარაღით მენტორული მიხვრა-მოხვრით გადაადგილდები.

"თქვენ იცით, რომ გუშინ გახმოვანდა ინფორმაცია და დღეს უკვე მტკიცებულებებიც გვაქვს, რომ ბატონი დიმიტრი შაშკინი, გვერდზე იარაღით, ძალიან დემონსტრაციულად, უკაცრავად და გოიმურადაც გადაადგილდებოდა პისტოლეტით შეიარაღებული. არ ვიცი, მართლა წარმოუდგენელი გოიმობაა, როცა დიდ პისტოლეტს დაიკიდებ გამოსაჩენ ადგილას და ამით გადაადგილდები მენტორული მიხვრა-მოხვრით. ამის შემდეგ, კახა ოქრიაშვილი ადასტურებს, რომ დიახ, ისიც დადის იარაღით. სასოწარკვეთლების პიკია, მაგრამ ეს არის მტკიცებულება იმისა, რაზეც ჩვენ გუშინ მთელი დღის განმავლობაში ვსაუბრობდით", — ამბობს კობახიძე.

ენმ-ის წევრის, დიმიტრი შაშკინის იარაღით ბოლნისში გადაადგილების შესახებ ინფორმაცია, დღეს, 31 ოქტომბერს გავრცელდა. შაშკინმა მიზეზად დაასახელა ის, რომ ბოლნისში მის აქტივისტებს ესვრიან, სცემენ და ცეცხლსასროლ იარაღს თავდაცვის მიზნით ატარებს.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: