ერთიანი ნაციონალური მოძრაობის წევრი, დიმიტრი შაშკინი, ბოლნისში იარაღით გადაადგილდება. ამის შესახებ ინფორმაცია ტელეკომპანია რუსთავი 2-მა გაავრცელა, ხოლო შემდეგ შაშკინმა აღნიშნული ინფორმაცია რუსთავი 2-ის ეთერში ჩართვის დროსაც დაადასტურა. მისი თქმით, მას აქვს უფლება, ატაროს საკუთარი კუთვნილი იარაღი.

"მე მაქვს უფლება მონიჭებული შინაგან საქმეთა სამინისტროს მიერ, რომ ვატარო ჩემი პირადი კუთვნილი იარაღი. მე არ ვიყავი საარჩევნო უბანზე, ვჯდებოდი მანქანაში, რომლის დროს, ამ საწყალმა პროვოკატორებმა, რომლებიც გამოგზავნილი არიან ქართული ოცნების მიერ, ფოტო გადამიღეს. მე არ მაქვს საარჩევნო უბანზე შესვლის, რადგან ვარ კანდიდატი, თეორიულად ვერც ვიქნები საარჩევნო უბანზე", — განაცხადა შაშკინმა რუსთავი 2-ზე.

მან მიზეზად დაასახელა ის, რომ ბოლნისში მის აქტივისტებს ესვრიან, სცემენ და ცეცხლსასროლ იარაღს თავდაცვის მიზნით ატარებს.