საქართველოს თავდაცვის მინისტრმა, ირაკლი ღარიბაშვილმა არჩევნების დღესაც ოპონენტები გააკრიტიკა. მისი თქმით, ქვეყანაში მშვიდობიანი საარჩევნო კამპანია იყო იმის მიუხედავადაც, რომ ოპონენტები ცდილობდნენ დესტაბილიზაციას.

"მინდა ავღნიშნო ის, რომ ზოგადად მშვიდობიანი კამპანია იყო წარმართული, მიუხედავად ჩვენი ოპონენტების არაერთგზის მცდელობისა, რომ მომხდარიყო საარჩევნო ფონის გაუარესება და არასწორი განცდების დამკვიდრება საზოგადოებაში. ეს, რა თქმა უნდა, ვერ იქნა მიღწეული და ვერაფერი იქნება მიღწეული, რაც არის მათი მხრიდან ჩაფიქრებული — ის პროვოკაცია და ის დესტაბილიზაციის მცდელობები, რაც მათი მხრიდან გვესმოდა მთელი ეს პერიოდი", — განაცხადა ირაკლი ღარიბაშვილმა.

მანვე აღნიშნა, რომ ხმა ქვეყნის მშვიდობიან განვითარებას მისცა.

"მე დღეს რა თქმა უნდა მივეცი ხმა ჩვენი ქვეყნის მშვიდობიან და სტაბილურ განვითარებას, ვინაიდან ვიცით რა ჩვენ ომების მძიმე ფასი, ჩვენ ასევე კარგად ვიცით, რაოდენ დიდი მნიშვნელობა აქვს მშვიდობას და სტაბილურობას. [...] დღეს ჩვენი ქვეყანა არის სულ სხვა ეტაპზე გადასული, ჩვენი სახელმწიფო არის იმაზე მეტად ძლიერი ვიდრე იყო 4 წლის წინ, თუნდაც, 8 წლის წინ", — ამბობს ღარიბაშვილი.

2020 წლის საპარლამენტო არჩევნების შესახებ

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: