მართლმადიდებელი ეკლესიის კათოლიკოს-პატრიარქი, ილია მეორე ამბობს, რომ ეკლესიისთვის უცხო პოლიტიკური მიკერძოებულობა. მისი თქმით, ხალხი გონიერია და "სხვადასხვა მდელობის მიუხედვად" სწორად აფასებს მოვლენებს.

"ეკლესია ყოველთვის იყო და არის ხალხის გამაერთიანებელი ძალა და პოლიტიკური მიკერძოება მისთვის უცხოა. ჩვენი ხალხი გონიერია და, მიუხედავად სხვადასხვა მცდელობისა, კარგად აფასებს მოვლენებს", — წერია საპატრიარქოს გავრცელებულ განცხადებაში.

ილია მეორე ასევე მოუწოდებს საზოგადოებას, რომ არჩევნებში მიიღონ მონაწილეობა, რათა გამოვლინდეს უმრავლესობის ნება.

მართლმადიდებელ ეკლესიას ხშირად ადანაშაულებენ პოლიტიკურ პროცესებში აქტიურ ჩართვაში. განსაკუთრებით ეს თემა აქტუალური გახდა წინასაარჩევნო პროცესის დროს, როცა მაღალი იერარქიის სასულიერო პირები მმართველი გუნდის პარტიულ ღონისძიებებზე გამოჩნდნენ.

გაიგეთ მეტი საარჩევნო პროცესებში სასულიერო პირების ჩართულობაზე:

პატრიარქი ხვალ არჩევნებში მონაწილეობას გადასატანი საარჩევნო ყუთით მიიღებს.

ხვალ, 31 ოქტომბერს საქართველოში საპარლამენტო არჩევნები იმართება. ისტორიაში პირველად არჩევნები პროპორციულთან მიახლოებული, 120/30-ზე სისტემით გაიმართება. საარჩევნო უბნები 8 საათზე გაიხსნება.