სტრატეგია აღმაშენებლის ლიდერის, გიორგი ვაშაძის განცხადებით, ქართული ოცნება მოახლოებულ არჩევნების შედეგებზე სხვადასხვა ხერხებით ახდენს მანიპულირებას. ვაშაძის თქმით, მისი გუნდი კონკრეტული ფაქტების გამოვლენაზე მუშაობს და საზოგადოებას სულ მალე წარუდგენს.

"წინ უმნიშვნელოვანესი არჩევნებია და ძალიან ცოტაა დარჩენილი ხელისულების შეცვლამდე. თუმცა, გახარია და მისი ფულის მკეთებელთა გუნდი არჩევნების შედეგებზე მანიპულირებს და ორ ყველაზე ცუდ იარაღს იყენებს: ეს არის, კორონავირუსით ხალხის პირდაპირ დაშინება, იმ მიზნით, რომ არჩევნებზე მისვლის შეეშინდეთ, რადგან ფიქრობენ, რომ ნაკლები ამომრჩეველი მათთვის კარგი და მოგებიანია და მეორე, ახდენს ამომრჩვლის პირდაპირ მოსყიდვას — სულ უფრო მეტი და მეტი შემთხვევებზე ჩვენამდე აღწევს ინფორმაცია. ამომრჩევლისგან უბრალოდ ყიდულობენ პირადობის დამადასტურებელ დოკუმენტებს. ჩვენი გუნდი ამ თემებზე მუშაობს და სულ მალე კონკრეტულ ფაქტებსაც აუცილებლად წარმოგიდგენთ", — აცხადებს გიორგი ვაშაძე.

პარტიის პრემიერობის კანდიდატი ქართულ ოცნებას მიმართავს თავი დაანებონ პანიპულაციას, რადგან მისი დამკვიდრვებლები არჩევნების გაყალბების შესაძებლობას არ მისცემენ.

"რაც არ უნდა მანიპულაცის ხერხებს მიმართოთ, ჩვენ ძალიან ბევრი მოხალისე და მხარდამჭერი გვყავს, ძალიან ბევრი დამკვირვებელი და პროგრამული უზრუნველყოფის მცოდნე პირები, იმისათვის, რომ არჩევნების გაყალბების შესაძლებლობა არ მოგცეთ. მაგრამ, თუ შეეცდებით მანიპულაციას თქვენ საკადრის პასუხს მიიღებთ. მოვუწოდებ მოქალაქეებს — ძალიან გთხოვთ, არ შეშინდეთ კორონა ვირუსით. არც ერთ დემოკრატიულ ქვეყანაში, ნორმალურ სახელმწიფოში, სადაც არჩევნები კორონავირუსის პირობებში ჩატარდა, არჩევნები არ გამხდარა ვირუსის გავრცელების წყარო, რადგან არჩევნები არის ძალიან ორგანიზებული პროცესი, სადაც ვირუსის გადადების ფაქტობრივად ნულოვანი შანსი არსებობს. ნუ გავხდებით თანამონაწილე იმ კამპანიის, რაც ახლა ქართულ ოცნებას აქვს. ხალხის დაშინებაში პირდაპირ ბატონ გახარიას და ქართულ ოცნებას ვადანაშაულებ, რადგან ისინი ფიქრობენ, სწორედ კორონა ვირუსის ასეთი აგრესიული კამპანიის პირობებში ხალხი არჩევნებზე არ მივა და მხოლოდ ამის იმედი აქვთ", — აცხადებს გიორგი ვაშაძე.