წიგნების თაროს სკოლა საქართველოს ბანკის მხარდაჭერით ორი წარმატებული კურსის შემდეგ, დაწყებითი კლასების მოსწავლეებისთვის განახლებულ კურსს იწყებს!

არაფორმალური განათლების უნიკალური სივრცე, წიგნების თაროს სკოლა, რომლის მასწავლებლებიც თაროელი ახალგაზრდები, საქართველოს ყველაზე წიგნიერი და წარმატებული მოსწავლეები და სტუდენტები არიან, საქართველოს ბანკის მხარდაჭერით 2020 წლის გაზაფხულზე დაარსდა. ორი წარმატებული კურსის შემდეგ, სკოლა დაწყებითი კლასის მოსწავლეებს განახლებული სახით, 16 ნოემბრიდან 25 დეკემბრამდე დაგეგმილი 6 კვირიანი ონლაინ კურსით უბრუნდება.

შემეცნება გართობით წიგნების თაროს სკოლის მთავარი პრინციპია. გაკვეთილები სხვადასხვა მულტიმედიური მასალის დახმარებით, თამაშებით და ინტერაქციული მეთოდებით ტარდება, მოსწავლეები კი ისეთ საგნებს შეისწავლიან, რომლებიც მნიშვნელოვანია ამ ასაკის ბავშვების კომპლექსური განათლებისა და განვითარებისთვის. ესენია: მითოლოგია და ცივილიზაციები; დედამიწა და კოსმოსი; ადამიანი და ჯანმრთელობა; ლოგიკური აზროვნება და მათემატიკური თავსატეხები; შემოქმედებითი აზროვნება და ესთეტიკის აღქმა; რიტორიკული აზროვნება და საუბრის ხელოვნება.

ნატო დავითაშვილი, ზურაბ გურიელიძე, მაია ცირამუა, ლევან გიგინეიშვილი, ზალიკო სულაკაური და ნინო კასრაძე — ასეთია საზოგადოებისთვის კარგად ნაცნობი იმ ადამიანების სია, რომლებიც ბავშვებს თითოეულ საგანში ერთ გაკვეთილს წაუკითხავენ.

სკოლაში დარეგისტრირებულ თითოეულ მოსწავლეს დამატებით, საჩუქრად კვლავაც გადაეცემა მსოფლიო ლიტერატურის კურსი, რომელსაც წიგნების თაროს კრეატიული დირექტორი, მწერალი და ტელეწამყვანი, ალექსანდრე ლორთქიფანიძე გაუძღვება.

წიგნების თაროს სკოლაში 12 გაკვეთილიანი საგნის ღირებულება 79 ლარია, 6 გაკვეთილიანი საგნის კი — 49 ლარი. ორი ნებისმიერი საგნის აღების შემთხვევაში, მოსწავლეებს მესამე საგანი საჩუქრად გადაეცემათ.

  • ჯგუფებში მოსწავლეების რაოდენობა 12-მდეა შეზღუდული;
  • რეგისტრაცია შესაძლებელია როგორც ერთ, ისე ყველა საგანზე;
  • რეგისტრაცია გაგრძელდება 21 ოქტომბრიდან 1 ნოემბრამდე;
  • ერთი გაკვეთილის ხანგძლივობა იქნება 30 წუთი;
  • თითოეული საგნის ჯგუფები ორ დონედ დაკომპლექტდება, I-II და III-IV კლასის ბავშვებისათვის;
  • მშობელს შეუძლია აირჩიოს როგორც კვირის დღეების, ასევე შაბათ-კვირის კურსები. პროგრამა იდენტურია;
  • თითოეულ მოსწავლეს კურსის დამთავრების შემდეგ სერტიფიკატი გადაცემა;
  • ადგილები შეზღუდულია.

სკოლაში დარეგისტრირება შესაძლებელი იქნება სკოლის ვებგვერდზე. გაკვეთილების განრიგის, მასწავლებლების მოკლე ბიოგრაფიების და დამატებითი ინფორმაციის ნახვა ამავე მისამართზეა შესაძლებელი.

წიგნების თაროს სკოლის პარტნიორები არიან საქართველოს ბანკი, სულაკაურის გამომცემლობა და საქართველოს პარლამენტის ეროვნული ბიბლიოთეკა.

წიგნების თაროს სკოლის მედია პარტნიორია ონლაინ გამოცემა On.ge

კომპანია წიგნების თარო ქართული ბრენდია, რომელიც საბავშვო და ახალგაზრდულ, შემეცნებით-გასართობ პროექტებს ახორციელებს. ამავე სახელწოდების სატელევიზიო შოუ, რომელიც 2016 წლიდან საზოგადოებრივი მაუწყებლის პირველი არხის ეთერში გადაიცემა, კომპანიის საავტორო პროექტია. 2020 წელს წიგნების თარო საქართველოს წიგნის გამომცემელთა და გამავრცელებელთა ასოციაციამ წლის მთავარი პრიზით, წიგნის ქომაგი 2020-ით დააჯილდოვა.