1999 წლის ოქტომბერში ჯიმი ბრედფორდი ტენესის ერთ-ერთი რესტორანში სადილობისას შეზღუდული შესაძლებობის მქონე ბიჭუნას გადააწყდა, რომელიც რესტორნის ფანჯარასთან მარტოდმარტო იჯდა.

სწორედ აქედან დაიწყო მათი შთამბეჭდავი მეგობრობის ისტორია.

ბრედფორდი ახლადგაცნობილი მეგობრის ცხოვრებით დაინტერესდა და აღმოაჩინა, რომ მას მშობლები არ ჰყავდა. როგორც ჯიმმა გაარკვია, ბიჭუნას ავადმყოფობის მიზეზი სწორედ ის უბედური შემთხვევა გახდა, რომელმაც მისი მშობლები შეიწირა.

ჯერ კიდევ მის დაბადებამდე, ბიჭის მშობლები წვიმიან ღამეს ტენესში სეირნობდნენ მანქანით, როდესაც საჭესთან მჯდომმა მამამ საჭეზე კონტროლი დაკარგა. ავარიამ მანქანაში მყოფი ორივე მგზავრი შეიწირა, მაგრამ ნაყოფის გადარჩენა მოხერხდა. სამწუხაროდ, ამ უბედური შემთხვევის შედეგად ბავშვს ტვინში სისხლი ჩაექცა, ცერემბრალურმა დამბლამ კი პარალიზება და მხედველობის დაკარგვა გამოიწვია.

ბრედფორდმა გადაწყვიტა, რომ პატარა ბიჭზე ეზრუნა. ისინი ხშირად დადიოდნენ სასეირნოდ, კვირაობით კი ეკლესიაში წირვას ესწრებოდნენ.

ჯიმი ხედავდა, რომ მის ახალგაზრდა მეგობარს დიდი პოტენციალი და ნიჭი ჰქონდა და სურდა, ეს მსოფლიოსთვისაც ეჩვენებინა. წიგნი "დერიბერის გამოღვიძება" ბრედფორდმა და მისმა შვილობილმა ერთად დაწერეს. წიგნი ბიჭუნას ისტორიაზე მოგვითხრობს.

ფოტო: Facebook

ახლა ბრედფორდი 73 წლისაა, მისი მეგობარი კი 26 წლის. მათ უკვე 17-წლიანი ისტორია აკავშირებთ. შემდეგი მიზანი მსოფლიოს გარშემო მოგზაურობა და სხვადასხვა ქვეყნის მონახულებაა.