ქართული ოცნების დეპუტატს, დიმიტრი მხეიძეს კორონავირუსი დაუდასტურდა. როგორც მან On.ge-ს უთხრა, კოვიდტესტზე დადებითი პასუხი 17 ოქტომბერს მიიღო. დეპუტატის თქმით, მას ორმაგი პნევმონია აქვს.

"სახლში ვიყავი თავიდან, ვიფიქრე, ვინმეს ადგილი არ დავიკავო-მეთქი, ისედაც არ არის ადგილები. როგორც კი დამიდასტურდა პნევმონია, პირდაპირ გადამიყვანეს კლინიკაში", — აღნიშნა მან.

გუშინ, 19 ოქტომბერს ქართული ოცნების დეპუტატ ნინო წილოსანს კორონავირუსი დაუდასტურდა. მასთან კონტაქტის გამო იზოლაციაში გადავიდა მმართველი გუნდის დეპუტატი მამუკა მდინარაძე. ამასთან, COVID-19 გამოუვლინდა განათლების კომიტეტის თავმჯდომარეს, გენადი მარგველაშვილს.