Sony Pictures სოციალურ მედიაში გავრცელებულ ხმებს გამოეხმაურა ტობი მაგუაირისა და ენდრიუ გარფილდის ადამიანი ობობა 3-ში გამოჩენასთან დაკავშირებით.

ET Canada-სთან საუბარში კინოკომპანიის წარმომადგენელმა აღნიშნა, რომ "გავრცელებული ხმები მსახიობების ფილმში გამოჩენასთან დაკავშირებით დადასტურებული არაა", თუმცა მისი ნათქვამი არც უარყოფს ამ ფაქტს. როგორც ცნობილია, მიმდინარეობს მსახიობებთან მოლაპარაკებები, მაგრამ ოფიციალურად დადასტურებული ინფორმაცია მათი დაბრუნების შესახებ არ არსებობს

ხმების გავრცელებიდან მალევე რამდენიმე საინფორმაციო სააგენტო იტყობინებოდა, რომ ტობი მაგუაირი და ენდრიუ გარფილდი ადამიანი ობობა 3-ის სამსახიობო დასში მოგვევლინებიან. ამბის მიხედვით, ტომ ჰოლანდის განსახიერებული პიტერ პარკერის შემდეგ, მსახიობებმა გადაწყვიტეს, საკუთარი შესრულებული როლები ეკრანზე კვლავ გაეცოცხლებინათ.

ფოტო: Bobby Bank / Gc Images / Getty Images

თუმცაღა ჯერ კიდევ უსახელო ფილმის შესახებ ბევრი არაფერი ვიცით, სააგენტოების ცნობითვე, სამ ადამიან ობობას საერთო მტრების წინააღმდეგ საბოლოო ბრძოლისთვის დოქტორი სტრეინჯი გააერთიანებს. ვარაუდობენ, რომ ფილმში გამოჩნდებიან ისეთი ბოროტმოქმედები, როგორებიც არიან მონადირე კრავენი, მორიელი, ელექტრო და მწვანე გობლინი. მწვანე გობლინის გამოჩენისას, ფილმში წარმოდგენილი იქნება Oscorp და S.H.I.E.L.D.-ის გალაქტიკური ვერსია, სახელად S.W.O.R.D.

პროექტის შესახებ ინფორმაციის ნაკლებობისდა მიუხედავად, ფილმი, რომლის რეჟისორიც ჯონ ვეტსია, 2021 წლის 17 დეკემბერს გამოვა.