გიგი უგულავა პატიმრობიდან გათავისუფლდა. მან ციხე დღეს, 6 იანვარს დატოვა.

უგულავამ სოლიდარობა გამოუცხადა ყველა იმ პატიმარს, რომელიც მისი აზრით, პოლიტიკური მოტივით არის დაკავებული:

"თუ ჩემი გათავავისუფლება ამ პროცესის [პოლიტპატიმრების გათავისუფლების] დასაწყისია ძალიან კარგი, მაგრამ სამუშაო ამ მიმართულებით არის ძალიან ბევრი."

თბილისის ყოფილმა მერის თქმით, იგი პოლიტიკურ საქმიანობასაც დაუბრუნდება. მისივე თქმით, ენმ-ში მიმდინარე განხეთქილებასთან დაკავშირებით შეხვდება ყველა მხარეს და შეეცდება პროცესის გამოსწორებას:

"აუცილებლად შევხვდები ყველას, პირველ რიგში, რა თქმა უნდა, მიშასაც და თუ არის ნახევარი პროცენტიც კი იმიტომ, რომ როგორც ვხედავთ, ძალიან ძალიან ღრმად არის პროცესები წასული თუ ერთი პროცენტი მაინც არის შანსი, რომ ჩვენ ეს კრიზისი გავიაროთ ისე, რომ ჩვენი პოზიციები შევაჯეროთ, მე მინდა ვთხოვო ყველა მხარეს, რომ თუ ეს შესაძლებელია, რომ ჩვენ ეს კრიზისი გავიაროთ, მე ძალისხმევას არ დავაკლებ, მაგრამ თუ ეს შეუძლებელია და ესეც გამოჩნდება."

უგულავას გათავისუფლების შესახებ სასამართლოს გადაწყვეტილება დღეს გახდა ცნობილი.