პარლამენტის ეროვნული ბიბლიოთეკის თანამშრომელს კორონავირუსი დაუდასტურდა. აღნიშნულზე ინფორმაციას საქართველოს პარლამენტის ეროვნული ბიბლიოთეკის გენერალური დირექტორი, გიორგი კეკელიძე ავრცელებს.

კეკელიძის ცნობით, აღნიშნული პიროვნება რამდენიმე დღეა თვითიზოლაციაში იმყოფება. მისივე თქმით, ეროვნული ბიბლიოთეკა მუშაობას ჯერჯერობით დაწესებული, შეზღუდული სამუშაო განრიგით აგრძელებს.