დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ქუთაისის საკრებულოს წევრს ქართული ოცნებიდან, მერაბ კვიცარიძეს, რომელიც, ასევე ექიმია, Covid-19 დაუდასტურდა. ქუთაისის საკრებულოს პრესსამსახურში On.ge-ს უთხრეს, რომ მისი პროფესიიდან გამომდინარე, დეპუტატი ტესტს ყოველ მესამე დღეს იკეთებდა. სიმპტომი გუშინ, 13 ოქტომბერს დაუფიქსირდა, დღეს კი ტესტის პასუხი დადებითი აღმოჩნდა.

"მერაბ კვირაციძე თვითიზოლაციაციაში გადასული. კოვიდ სასტუმროში გადის მკურნალობას და საკრებულო ჩვეულ რეჟიმში განაგრძობს მუშაობას", — განაცხადეს მერიაში.

14 ოქტომბერს საქართველოში კორონავირუსის 680 ახალი შემთხვევა დაფიქსირდა. მათგან, ყველაზე მეტი, 297 შემთხვევა თბილისში გამოვლინდა.

ჯამში საქართველოში კორონავირუსის სულ 13 521 შემთხვევაა დადასტურებული. აქედან, 7 159 ადამიანი უკვე გამოჯანმრთელდა. კორონავირუსით სულ 109 გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: