დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, კორონავირუსის გავრცელების თვალსაზრისით ქვეყანა უღელტეხილზე იმყოფება. მისი თქმით, შემოდგომის დადგომასთან ერთად, შემთხვევების ზრდა მოსალოდნელი იყო.

"ის რაოდენობა რომელიც დღეს გვაქვს, მიგვაჩნია, რომ სრულიად შეესაბამება იმ მოლოდინს, რომელიც გვქონდა სხვადასხვა კლინიკური ჯგუფის ჩართულობის და ეპიდემიოლოგების საანგარიშო თემატიკაზე დაყრდნობით. აქედან გამომდინარე, სისტემის კუთხით რეალურად საკმარისად მომზადებული შევხვდით ამ მოვლენას და ყოველდღე ვაიდენტიფიცრიებთ ახალ საჭიროებებს. შესაბამისად, გვაქვს იმის საშუალება, რომ გვქონდეს ოპერატიულად გადადგმული ქმედითი ნაბიჯების დინამიკა, რაც აისახება უკვე ჩვენი მოქალაქეების ჯანმრთელობასა და მათ უსაფრთხოებაზე", — განაცხადა ტიკარაძემ რუსთავის 2-ის ეთერში.

მანამდე, ჯანდაცვის მინისტრმა ქვეყანაში კორონავირუსის მაჩვენებელი პლატოს შეადარა და თქვა, რომ ისინი აღარ იყვნენ პიკის მოლოდინში, რადგან უკვე არსებობდა პლატო.

13 ოქტომბერს საქართველოში კორონავირუსის 569 ახალი შემთხვევა დაფიქსირდა. გამოჯანმრთელდა — 329, ხოლო გარდაიცვალა — 9.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: