პრემიერმინისტრმა, გიორგი გახარიამ განაცხადა, რომ კორონავირუსის გამო ტურისტების რაოდენობის შემცირება დროებითია. მისივე თქმით, ვირუსის პირველ ტალღას საქართველო გაუმკლავდა, როგორც ერთ-ერთი საუკეთესო ქვეყანა ევროპაში.

"მესმის და ყველას გვესმის, რომ ტურისტი დაგვაკლდა, კოვიდის გამო მთლიანად მსოფლიოში მოგზაურობა შემცირდება, მაგრამ ეს ხომ დროებითია, ყველა ხომ კარგად ხვდებით, რომ ჩვენ პირველ ტალღას გავუმკლავდით, როგორც ერთ-ერთი საუკეთესო ქვეყანა ევროპაში", — განაცხადა პრემიერმინისტრმა ბორჯომში ქართული ოცნების მაჟორიტარი დეპუტატობის კანდიდატის, ანტონ ობოლაშვილის წარდგენისას.

მისი თქმით, საქართველოს ყველანაირი შესაძლებლობა აქვს იმისთვის, რომ მეორე ტალღის გამკლავებაშიც წარმატებული ქვეყნების მოწინავე რიგებში იყოს.