ჯანდაცვის მინისტრმა, ეკატერინე ტიკარაძემ განაცხადა, რომ სასწრაფო დახმარების ექიმებს კორონავირუსის ტესტირება ყოველ 72 საათში ჩაუტარდებათ.

"ვცდილობთ, რომ მიზნობრივი ტესტირების ჯგუფები გამოვავლინოთ. დღეის მდგომარეობით ჩვენ მივიღეთ გადაწყვეტილება, რომ სასწრაფო დახმარების ექიმებთან მიმართებაში, რომლებიც არიან ყველაზე მჭიდრო კონტაქტში, შევამციროთ ეს დრო. ყოველ 72 საათში სასწრაფო გადაუდებელი ექიმების ტესტირება, ვთვლით, რომ დაგვეხმარება, როგორც სამედიცინო პერსონალის დაცვაში, ისე ინფექციის გავრცელებაშიც", — განაცხადა ტიკარაძემ.

სამედიცინო პერსონალს კორონავირუსზე ტესტირება აქამდე კვირაში ერთხელ უტარდებოდათ.