დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

კორონავირუსის 478 ახალი შემთხვევა დაფიქსირდა. გამოჯანმრთელდა — 211.

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, დღეს დადასტურებული 478 ახალი შემთხვევიდან 196 აჭარიდანაა, 178 თბილისში დაფიქსირდა, იმერეთში 65 ინფიცირებულია, სამეგრელო-ზემო სვანეთში — 13, ქვემო ქართლში — 15, შიდა ქართლში — 6, გურიაში — 1, რაც შეეხება მცხეთა-მთიანეთს, იქ ახალი ინფიიცრებულების რაოდენობა 4-ია.

რაც შეეხება გარდაცვლილ 6 პაციენტს, ენდელაძის განცხადებით, მათგან 3 აჭარაში გარდაიცვალა, 2 — თბილისში, ხოლო 1 საჩხერეში.

მარინა ენდელაძის თქმით, ამ ეტაპზე სულ კორონავირუსით ინფიცირებული 50 კრიტიკულად მძიმე პაციენტი მკურნალობს. მათგან 8 ოკუპირებული აფხაზეთიდანაა, ხოლო 1 ოკუპირებული ცხინვალიდან.

12 ოქტომბერს საქართველოში კორონავირუსის სულ 12 272 შემთხვევაა დადასტურებული. აქედან, 6 538 ადამიანი უკვე გამოჯანმრთელდა. კორონავირუსით სულ 91 ადამიანი გარდაიცვალა.

ამ დროისთვის კარანტინის რეჟიმში 5 590 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 393 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: