ქუთაისში კორონავირუსით ინფიცირებული ასაკოვანი კაცი გარდაიცვალა. პაციენტი ქუთაისის ინფექციურ კლინიკაში მკურნალობდა და მისი მდგომარეობა კრიტიკულად მძიმედ ფასდებოდა.

კლინიკის სამედიცინო დირექტორის ნოდარ მაღლაფერიძის განცხადებით, კაცის გადარჩენა თანმხლები დაავადებების გამო ვერ მოხერხდა.

"ჩვენს კლინიკაში კორონავირუსით ინფიცირებული მე-3 პაციენტი დაიღუპა. 68 წლის კაცს სიმსივნური დაავადება ქონდა. პაციენტის მდგომარეობა კლინიკაში შეყვანისთანავე შეფასდა მძიმედ. გატარდა ყველა შესაბამისი ღონისძიება, თუმცა თანმდევი დაავადებების სირთულიდან გამომდინარე, დაავადების მძიმე მიმდინარეობის გამო, სამწუხაროდ, პაციენტის გადარჩენა ვერ მოხერხდა", – განაცხადა მაღლაფერიძემ.

ქუთაისის ინფექციურ კლინიკაში, ამ დროისთვის 68 კოვიდდადებითი მკურნალობს. გამოჯანმრთელდა 8 დაემატა 7 ახალი შემთხვევა, კრიტიკულად მძიმეა ორი პაციენტი.

საქართველოში კორონავირუსის 1 1271 შემთხვევაა დადასტურებული. აქედან, 6 119 ადამიანი უკვე გამოჯანმრთელდა. გარდაიცვალა — 78.

ამ დროისთვის კარანტინის რეჟიმში 5 971 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 338 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: