დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, კორონავირუსით ინფიცირებული 4 886 პაციენტიდან ამჟამად კრიტიკულად მძიმე 63-ია. მათ შორის 61 მართვით სუნთქვაზეა. ენდელაძის თქმით, მძიმე პაციენტებიდან 9 ოკუპირებული აფხაზეთიდანაა, ერთი კი ოკუპირებული ცხინვალის რეგიონიდან.

9 ოქტომბერს საქართველოში კორონავირუსის 527 ახალი შემთხვევა დადასტურდა, 313 გამოჯანმრთელდა, გარდაიცვალა 6 პაციენტი.

Covid-19-ის 527 ახალი შემთხვევიდან 190 აჭარიდანაა, თბილისიდან — 179. ინფიცირებულთა რაოდენობით მესამე ადგილზეა იმერეთი 91 ახალი შემთხვევით. სხვა რეგიონებში დღევანდელი სტატისტიკა ასეთია:

ქვემო ქართლი — 28, შიდა ქართლი — 10, კახეთი — 11, მცხეთა-მთიანეთი და გურია — 3, სამცხე-ჯავახეთი — 1.

ენდელაძის თქმით, მოსახლეობის სიმჭიდროვის მიხედვით, ყველაზე საშიში ვითარება, ეპიდემიოლიგიური კუთხით, ამ დროისათვის თბილისშია.

სულ კორონავირუსის 1 0752 შემთხვევაა დადასტურებული. აქედან, 5 866 ადამიანი უკვე გამოჯანმრთელდა. გარდაიცვალა — 72.

ამ დროისთვის კარანტინის რეჟიმში 5 574 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 338 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: