დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მომდევნო კვირიდან რისკჯგუფებში შემავალი ადამიანების სეზონურ გრიპზე აცრები დაიწყება. მისივე თქმით, რისკჯგუფში შედიან:

  • ორსულები;
  • ხანდაზმულთა პანსიონატის ბენეფიციარები;
  • ბავშვთა სახლში მცხოვრებლები;
  • ქრონიკული დაავადებების მქონე ადამიანი;
  • საბავშვო ბაღის აღსაზრდელები.

მან, ასევე, აღნიშნა, რომ გრიპის აცრა მთელი სეზონის განმავლობაშია შესაძლებელი.

"აცრის კულტურა გავზარდეთ ქვეყანაში. შარშან 100 000 დოზა გვქონდა და წელს 135 000 ვიყიდეთ. პირველი 25 ათასი დოზა შაბათს, 10 ოქტომბერს შემოვა საქართველოში, დანარჩენი 110 000 კი ოქტომბერის 20-დან 25-ის ფარგლებში შემოვა", — განაცხადა გამყრელიძემ საკოორდინაციო საბჭოს სხდომის დასრულების შემდეგ გამართულ ბრიფინგზე.

მისივე თქმით, გრიპის ინდივიდუალური ტესტირება არსად ხდება, თუმცა კოვიდისგან განსხვავებით გრიპზე არის უფრო მგრძნობიარე სწრაფი ტესტები, სადაც პასუხები 10-15 წუთში ხდება ცნობილი.

7 ოქტომბერს საქართველოში კორონავირუსის 508 ახალი შემთხვევა დადასტურდა, გამოჯანმრთელდა — 348.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: