საქართველოს სახელმწიფო ელექტროსისტემის ხელმძღვანელის პოსტზე ვანო ზარდიაშვილი დავით ვარდიაშვილმა შეცვალა. ის თანამშრომლებს ეკონომიკის უწყების ხელმძღვანელმა, მარიამ ქვრივიშვილმა წარუდგინა.

ვანო ზარდიაშვილმა, თანამდებობა 24-25 ივლისს მთელი ქვეყნის მასშტაბით ელექტროენერგიის სისტემური გათიშვის შემდეგ განცხადების საფუძველზე დატოვა.

ეკონომიკის სამინისტროს ცნობით, დავით ვარდიაშვილს აქვს მუშაობის მრავალწლიანი გამოცდილება საჯარო სამსახურსა და სახელმწიფო მმართველობის სფეროში. იგი სხვადასხვა პერიოდში იკავებდა "საქართველოს გაზის ტრანსპორტირების კომპანიის" გენერალური დირექტორის პოზიციას, იყო "საქართველოს ნავთობისა და გაზის კორპორაციის" დირექტორი ფინანსურ საკითხებში, მუშაობდა "საქართველოს სახელმწიფო ელექტროსისტემის" მმართველთა საბჭოს წევრის/დირექტორის თანამდებობებზე. 2022-2025 წლებში იყო სახელმწიფო რწმუნებულის — გუბერნატორის პირველი მოადგილე სამცხე-ჯავახეთის მხარეში. 2016-2017 წლებში კი გახლდათ შინაგან საქმეთა მინისტრის მოადგილე. ასევე 14 წლის განმავლობაში იგი მუშაობდა შემოსავლების სამსახურის სტრუქტურებში.

დავით ვარდიაშვილს მინიჭებული აქვს ტექნიკის მეცნიერებათა დოქტორის აკადემიური ხარისხი, არის საქართველოს საინჟინრო აკადემიის აკადემიკოსი, ასევე სამეცნიერო მონოგრაფიისა და არაერთი ტექნიკურ-სამეცნიერო ნაშრომის ავტორი", — წერის ეკონომიკის უწყების მიერ გავრცელებულ ინფორმაციაში.