ფინეთი ევროპაში პირველი ქვეყანა გახდა, რომელიც მის დაუსაქმებელ მოქალაქეებს ყოველთვიურად "ხელფასს" გადაუხდის.

სოციალურ ექსპერიმენტს მსოფლიო მასშტაბით აკვირდებიან.

გარდიანის ინფორმაციით, ქვეყნის მასშტაბით დაგეგმილმა 2 წლიანმა საპილოტე გეგმამ მოქმედება პირველ იანვარს დაიწყო. 2 000 დაუსაქმებელი ფინელი 25-დან 58 წლამდე ყოველთვიურად გარანტირებულ 560 ევროს მიიღებს. შემოსავალი მათ სხვა სოციალურ დახმარებას ჩაანაცვლებს, თუმცა შენარჩუნდება იმ შემთხვევაშიც, თუ ისინი სამსახურს იპოვიან.

Kela, ფინეთის ეროვნული სოციალური დაზღვევის ინსტიტუტი, აცხადებს, რომ ამ გზით მათ სურთ შეამცირონ უმუშევრობით გამოწვეული სიღარიბე ქვეყანაში, რაც მთელი ქვეყნის მასშტაბით 8,1%-ს შეადგენს.