თბილისის მერმა, დავით ნარმანიამ, 2016 წლის 26 დეკემბერს გამოსცა ბრძანება, რომლის მიხედვითაც, 2017 წლის 7 იანვარს, ალილოს მსვლელობის აღსანიშნად, მართლმადიდებელი ეკლესიის საპატრიარქოს 30 700 ლარი გამოეყო.

როგორც ბრძანებიდან ირკვევა, ალილოს საზეიმო მსვლელობის მოსაწყობად თანხის გადარიცხვის შუამდგომლობით, თბილისის მერს კულტურის საქალაქო სამსახურმა მიმართა. თანხა საპატრიარქოს ანგარიშზე დედაქალაქის სარეზერვო ფონდიდან გადაირიცხება.