ევროპული საქართველოს ლიდერის, დავით ბაქრაძის განცხადებით, ისინი პრემიერობის კანდიდატს არ დაასახელებენ. პარტიული სიის წარდგენისას მან განაცხადა, რომ ლიდერები არ აკლიათ, მაგრამ ამ პროცესში "წინაპირობის გარეშე" შედიან.

"ეს ჩვენი შეგნებული არჩევანია, ამიტომ ჩვენი შეგნებული არჩევანია, რომ ეს არჩევნები მივუძღვნათ საქართველოში მცხოვრები ოთხი მილიონი ადამიანის კეთილთდღეობას და არა რამდენიმე პოლიტიკოსის სკამების განაწილებას. აი, ამიტომ არ ვასახელებთ დღეს პრემიერობის კანდიდატს. რა თქმა უნდა, ყველა ხედავთ, რომ ჩვენს გუნდში ლიდერები არ გვაკლია, ამ სცენაზე შემიძლია გითხრათ მინიმუმ 4-5 ადამიანი, ვინც იქნება საქართველოს ღირსეული პრემიერმინისტრი, მაგრამ ჩვენ ამ პროცესში შევდივართ ყოველგვარი წინაპირობის გარეშე, ღია კარით", — განაცხადა ბაქრაძემ.

ევროპულმა საქართველომ პროპორციული სია წარადგინა. როგორც პარტიაში განაცხადეს, სიაში არ არის დაცული რიგითობა და ისინი მხოლოდ წევრებს წარადგენენ.

სიაში მოხვდნენ პარტიის მაჟორიტარობის კანდიდატები და სხვა ცნობილი სახეები. სიაში 9 ქალია.

  • გიგი უგულავა;
  • ტარიელ ნაკაიძე;
  • გოჩა გურგუჩიანი;
  • ლევან თარხნიშვილი;
  • ზურაბ ჩილინგარაშვილი;
  • არსენ კარაპეტიანი;
  • აჰმედ იმამყულიევი;
  • ირინე აფხაზავა;
  • გიორგი კანდელაკი;
  • ზურაბ ჭიაბერაშვილი;
  • მაია კაციტაძე;
  • გიორგი ღვინიაშვილი;
  • სერგო რატიანი;
  • ელენე ოზაშვილი;
  • მალხაზ პატარაია;
  • ირაკლი კიკნაველიძე;
  • მარიამ რამინაშვილი;
  • ოთარ კახიძე;
  • ირაკლი აბესაძე;
  • ლელა ქებურია;
  • გიგა ბოკერია;
  • აკაკი ბობოხიძე;
  • ნინო გოგუაძე;
  • ზაზა კედელაშვილი;
  • ზურაბ ბუცხრიკიძე;
  • ირმა ნადირაშვილი;
  • გიგი წერეთელი;
  • სერგი კაპანაძე;
  • ხათუნა გოგრიშვილი;
  • ტარიელ ნაკაიძე;
  • არმაზ ახვლედიანი;
  • ელენე ხოშტარია;
  • შალვა შავგულიძე;
  • დავით ბაქრაძე.

პარტიის ლიდერმა, დავით ბაქრაძემ განმარტა, რომ პარტიული სიის დაკომპლექტების ძირითადი პრინციპი არის პარტიული კონკურენცია. მისი თქმით, პარლამენტში მოხვდებიან სიიდან ყველაზე "ღირსეულები", ვისაც აირჩევს ხალხი.

"ჩვენი წარდგენა არ ყოფილა რიგითი ნომრების მიხედვით იმიტომ, რომ ეს არის ევროპული საქართველოს გადაწყვეტილება. ჩვენ არ ვართ ის პარტია, სადაც კაბინეტებში იწერება სიები. ჩვენ არ ვართ ის პარტია, სადაც ერთი, ორი ან ხუთი ადამიანი წყვეტს ვინ უნდა იყოს პარლამენტში. ჩვენ არ ვართ ის პარტია, სადაც ადამიანები თანამდებობებს ინაწილებენ ისე, რომ ხალხს აზრს არ ეკითხებია. არა, ჩვენ ვართ ის პარტია, სადაც ყველაფერს გადაწყვეტს ამორმჩევლის, ხალხის აზრი", — განაცხადა დავით ბაქრაძე.

საპარლამენტო არჩევნები 31 ოქტომბერს 120/30 სისტემით ჩატარდება.