ქართული ოცნების გენერალური მდივნის, კახა კალაძის მტკიცებით, არ გადადგება თანამდებობიდან თუკი ამას პარტიის თავმჯდომარე, ბიძინა ივანიშვილი ეტყვის. "რატომ უნდა გადავდგე" — იკითხა მან პალიტრანიუსის წამყვანის კითხვის პასუხად.

მისივე თქმით, გადადგება მაშინ, თუ ჩათვლის, რომ საქმეს ისე ვერ აკეთებს, როგორც თბილისს და თბილისელებს სჭირდებათ.

"შეიძლება ვინმესთვის მერი და მერის თანამდებობა გარკვეული პრივილეგიები იყოს. ჩემთვის ეს არის მსახურება", — განაცხადა მან.

მანვე აღნიშნა, რომ ივანიშვილისთვის წინააღმდეგობა ბევრჯერ გაუწევია. მისივე თქმით, გუნდში მსჯელობის დროს, თავის სათქმელს ყოველთვის ამბობს.