ძალა ერთობაშიას მაჟორიტარობის კანდიდატი სამტრედია-წყალტუბოს ოლქში ტელეწამყვანი ნანუკა ჟორჟოლიანი აცხადებს, რომ აუცილებელი არ არის საკანონმდებლო ორგანოს დეპუტატი იყოს კანონმდებელი და საკმარისია იცოდეს ის კანონები, რომელსაც ხმა უნდა მისცეს.

"ამ ბოლო დროს არის რაღაც ისეთი, ყველას წარმოუდგენია, რომ აუცილებლად ყველა დეპუტატი უნდა იყოს კანონმდებელი. არა! ტყუილია. კანონმდებელი, კანონის შემქმნელი, კანონის დამწერი არ არის ყველა დეპუტატი. არ წერს ყველა დეპუტატი კანონს. ყველა დეპუტატი ხმას აძლევს ამა თუ იმ მიღებულ კანონპროექტს", — განაცხადა ჟორჟოლიანმა ტელეკომპანია პირველის ეთერში.

როგორც მან აღნიშნა, ექნება დრო და ენერგია იმისთვის, რომ გაეცნოს კანონებს, რომლებსაც ხმა უნდა მისცეს.

"2-ჯერ 2 ოთხია. ნატოს ცენტრში რომ წარმადგინეს, ნატოზე რიგით მოქალაქეზე მეტი არ ვიცოდი. გავიცანი ეფექტური დამხმარე ადამიანები, მოვიძიე, დავიხმარე. ასეა, ხომ ხვდებით", — განაცხადა მან.

კანდიდატის განცხადებით, პარლამენტში მიდის იმისთვის, რომ გაჭირვებული მოსახლეობის ინტერესი დაიცვას. მისივე თქმით, მზად არის კარავი გაშალოს, "დიდი შოუ დადგას" და დეპუტატეს "სისხლი გაუშროს" მისი ამომრჩევლის დაჩაგვრის გამო.

სამტრედიის, წყალტუბოს, ვანისა და ხონის ოქლში მაჟორიტარულ ოლქში ნაციონალურმა მოძრაობამ გენერალ დევი ჭანკოტაძის კანდიდატურა ნანუკა ჟორჟოლიანით ჩაანაცვლა.

გაიგეთ მეტი: